Жеңіс күні

11.05.2026 Ұлы мереке — Жеңіс күніне орай Ұлы Отан соғысы батырларына деген құрмет пен тағзымның, алғыс пен естеліктің белгісі ретінде ауыл тұрғындары мен қонақтарының басын қосқан салтанатты іс-шара өтті. Іс-шара барысында ардагерлерге арналған құттықтау мен алғыс сөздер айтылып, патриоттық әндер шырқалып, мерекелік концерттік бағдарламалар ұсынылды. Қатысушылар қаза тапқан батырларды бір минут үнсіздікпен еске алып, Отан қорғаушыларының ерлігіне, қайсарлығы мен жанқиярлығына тағзым етті. Мерекелік шараның ерекше атмосферасы ұрпақтар сабақтастығының, тарихи жадыны сақтаудың және халық ерлігіне деген мақтаныштың айқын көрінісіне айналды.